Октябрь 9-та Каа-Хем кожууннуң Бүрен-Хем школазынга тыва дыл башкыларының семинары болуп эрткен. Ук школаның шаңналга алган маңган ак өөнге кирип, аяк-шайын ижип, Буянды Г. Н.-ның өгнүң эт-херексели-биле холбап, чыл санаашкынында дириг амытаннарны сактып алырын көргүскен мастер-клазын сонуургаан. Сарыг-Септиң С. К. Тока аттыг 2 дугаар школазыныңтыва дыл башкызы Минчит-оол С. М.өгге салып алыр кылдыр үнелиг, чараш белектисөңнээн. Семинарның ажылын тыва дыл башкыларының мастер-класстары,дыңнадяглары уламчылаан. Минчит-оол С. М., Ховалыг Ч. О., Балчый Ч. Э., Ондар У. В., Ховалыг Ч. Х. олар ажылында ажыглап турар хөй талалыг, тывынгыр арга-билиглерин көргүзүп, дуржулгазы-биле башкыларны таныштырган. Тыва дыл башкыларынга школаның баштаар чери чараш суй-белектерни тывыскан. Кожуннуң тыва дыл башкылары чаа-чаа ажыктыг чүүлдерни билип алган, сагыш-сеткил сергек, хей-аът көдүрлүүшкүннүг ол хүннү ажыктыг эрттирген.