Мээн адымны Куулар Хорагай Мерген-Хереловна дээр. Бодум болза Хандагайтыга торуттунгеш манаа-ла доругуп озуп келген мен. Амгы уеде Барнаул хоорайнын эмчи университединин «Клиническая психология» салбырында 5-ки курста ооренип турар мен. Эртем - шинчилел ажылынга киришкеш суурувустун «Соруктуглар» аттыг клубта улуг назылыг хоочуннар-биле ажылдаар аас-кежиктиг болдум. Бо хүнде эмчи талазы бурунгаар улуг базымнарны кылган, ооң ачызында назы-хар элээн өскен. Ынчалза-даа психология эртеми ындыг өскерлиишкиннерге ам-даа харыылап четикпейн турар - чүге дизе, ооң мурнунда кым-даа хөй улус бышкан назы-харынга чедир чурттаар деп бодаваан. Ооң ужундан улуг айтырыг тургустунуп келген: улуг назылыг кижилер улуг назынында үр чурттаарынга белен эвес болгаш амыдыралдың чаа байдалынга чаңчыгып алырынга бергедээшкиннер тургустунуп турар болуп турар. Клиниктиг психологтарның сорулгазы – угаан-медерелдиң ажыл-чорудулгазын кадагалап, назы-харның бедик шынарын хандырар программаларны ажылдап кылыры, ынчалдыр угаан-медерелдиң аарыгларын болгаш угаан-медерелдиң үрелиишкиннерин болдурбазы. Улуг назылыг кижилерниң сагыш-сеткилиниң арыг-силиин кадагалаарынга болгаш амыдыралының шынарын экижидеринге дузалаар 14 сессиялыг программаны (неделяда ийи катап) ажылдап кылгаш, шенеп турар бис. Программа Россияга таарыштырган американ методикага үндезилеттинген, ынчалза-даа ону бис Тыва чоннуң чижээн ажыглап тургашшенеп коор деп турар бис. Бистиң сорулгавыс болза, кижиниң төөгүзүн болгаш культуразын билири улуг назылыг кижилерге назы-харны эки эртип, аас-кежиктиг болурунга дузалаар деп көргүзери. База ол ышкаш кижинин улуг назынынга психологтуг белеткелинге хемчеглер чоруттунуп турар. #ВремяМолодых