️Даа кожууннуң 260 чылдаанынга
Районнуң амыдырал хандырылга комбинады
Чадаана хоорайга районнуң үлетпүр комбинады 1952 чылда тургустунган. «Искра» колхозтуң девискээринге «Бажың тудар комбинат» азы «Домостроение» деп ыяш ужуруп белеткээр чер турган. Аңаа орус, тыва ажылчыннар бир демниг ажылдап турганнар. Тайгадан кезип белеткээш бадырган ыяшты үлетпүр комбинадынга эккелгеш пилорамага экээрге, тудугга ажыглаар ыяшты, манзаларны үндүрүп турган. Чазаныр цехке стол, сандай, өгге ажыглаар аптара, үлгүүрге, оруннарны чазап турган, а
Кирбииш-Сарайга чугайны , тууйбуну өрттедип белеткеп турганы-биле ону хереглээннер кайыын-даа келир.
Даараныр болгаш идик септээр черлерни баштай районнуң хереглекчилер ниитилелинге кадып каан болгаш мастерскаялар болуп, анаа хамааржып турган. 1960 чылдар үезинде даараныр болгаш идик кылыр мастерскаяларны районнуң үлетпүр комбинадынга каттыштырган. Чоорту баш таарар, чурук тырттырар цехтер немей ажыттынган. Үениң сайзырааны-биле соодукчу ,телевизор, шак септээр цехтер сөөлзүредир немешкен.
Районнуң үлетпүр комбинадынга директорлар кылдыр Соян Ойдуп Куякович, Куулар Валентин Чамыянович, Глухов Георгий, Сарыглар Валентина Комбуевна, Саая Клара Сергеевна, Ураскулов Хамид, Куулар Калдар-оол Комбуевич, Байкара Комбу Күртүлекович, Сат Валентина Базыр-Сатовна олар ажылдап турганнар.
Даараныр цехке колдуунда 60 хире херээженнер 2 бригадага үстүп алгаш ажылдап турганнар. Даштыкы хеп (тон, чоорган, матрац, чүвүрлер) даарар бирги бригада, чиик хептер даараар бригадага ( платье, хөйлең, халаттар, ишики хептер) чоннуң хереглелин хандырып, чагыглар езугаар ажылдап турганнар.
Чуруктарда: Даараныкчылар Хүрең Ондар, Ооржак Бопук-Кара Авалаевна, Монгуш Анай Комбуевна, өг кылыр мастер Куулар Юрий Бегзиевич, Кирбииш-Сарайның тууйбу кылыр ажылдакчызы Көшкен-оол акый чуга хептиг, эжи-биле
[id453757883|Вячеслав Монгуш]
#Даакожуун260лет
#ЧааОрук