Тыва ча адар оюн: баг адар хевири
Республиканың Наадым байырлалы таварыштыр июль 19-тун хүнүнде чаңчыл болган Тос-Булакка тыва эр кижиниң үш адаан оюнунуң бирээзи болур «Тыва ча адар оюн: баг адар хевири» деп республика чергелиг улуг мөөрей болуп эрткен. Эр болгаш херээжен командалар аразынга бистин кожуунувус толээлери бирги черлерни бузурелдии-биле чаалап алганнар.
Мөөрейге киришкен тиилекчи болган адыгжыларывыска изиг байырны чедирип тур бис!

Кадат, хайгаарал чок мал-маган орук шимчээшкининге айыылды болгаш шаптараазынны тургузуп турар. Малды ажаап-карактаарының чуруму болгаш ону хажыдар болза административтиг харысаалга дугайында адаанда чуруктарда

Мөге алышкыларның Наадым 2025 байырлага чедиишкиннери!!!
Тываның Чаан мөгези Хертек Андрейниң аъды чыраа чавааларга база дуңмазы Тываның Күчүтен мөгези Кара-Сал Эрес мөгениң аъды челер чавааларга бирги черге келгеннер.
Мөге алышкыларга аът спортунга чедиишкиннери дээш өөрүп, изиг-байырывыс чедирип тур бис.

️8-9 августа приглашаем всех жителей республики на межрегиональный фестиваль национальных игр и тувинского горлового пения «Алдын Кажык», который пройдет в селе Ийме, м.Кум-Суу.
План мероприятий
Главный приз Лада Гранта
По вопросам можете обращаться по номеру телефона: 89133572616

️Даа кожууннуң 260 чылынга уткуштур белеткел ажылдары уламчылавышаан.
Дыштаныр хонуктарда Чадаана хоорай чагыргазы чаагайжыдылга ажылдарын чорутканнар. Юбилейлиг байырлалывыс таварыштыр кожуунувуска ашталга ажылдары ам-даа уламчылаар.
Хүндулүг чонувус! Силерни кожуунувусту, суурларывысты, ыдыктыг арт-сыннарывыстың кырын, чурттап орар чоок-кавы долгандыр девискээрлеривисти арыг-силиг тудуп, боктан арыглап, чаагайжыдылга ажылын чорударын кыйгырдывыс!

Поздравляем!!!
Салчак Сенги Аясовича(владелец лошади) и наездника Манзыр Айдыс Мергенович

Хүндүлүг чонувус!
Чөөн-Хемчик кожууннуң Ийме сумузунга чайын чурумалдыг, чараш ораны - Кум-суувустуң бажы - чоннуң сөөлгү үеде тырттыржып турар ыдык кайгамчыктыг черлериниң бирээзи "Алдын элезинивистиң" баарынга август 8-9-та болуп эртер Даа кожуунувустуң 260 чылынга тураскааткан Россия чергелиг ( Межрегиональный) «АЛДЫН КАЖЫК» деп, машина шаңналдыг " Россияның алдарлыг артизи, Тываның улустуң хөөмейжизи, Делегейге ат-алдары чаңгыланып артып калган Конгар-оол Борисович Ондарның чогаадып каан дүрүмнери-биле кажык оюнунга "Аът чарыжы" болуп эртер!
Төөгүде болуп көрбээн улуг байырлалды Силер бүгүдеге бараалгадыр-дыр бис!
Адаан-мөөрей оюннарның болур хемчеглери:
1) "Алдын кажык" хой кажыынга аът чарыжы (дадывыры 5 муң акша);
2) "Сыгыт-хөөмей, каргыраамны"; Тыва республиканың Улустуң хөөмейжилери, Ийме Улаан-Быраа оолдары
Бады-Доржу Ондар биле Эртине Туматтың шаңналы дээш.
3) Тыва ча маргылдаазы - "Баг адары";
4) 18 хар чедир мөгелер аразынга "Тыва хүреш".
5) Элезинге 3 кижи киржир "Хол бөмбүү";
6) Ус шеверлер делгелгези.
Шаңналдары:
"Алдын кажык":
1-ги чер - Чаа чычаан "Лада Гранта";
2-ги чер - Дөрт чүзүн мал болгаш 10 муң акша;
3-кү чер - Дөрт шыырак хой болгаш 10 муң акша.
4-кү чер - Үш хой болгаш 10 муң акша.
5-ки - Ийи хой болгаш 5 муң акша.
"Баг адары":
1-ги чер - 30 муң акша болгаш бир хой;
2-ги чер - 25 муң акша;
3-кү чер - 15 муң акша;
4-кү чер - 10 муң акша;
5-тен 8-ки чер - 5 муң акша.
18 хар чедир мөгелер аразынга элезинге "Тыва хүреш":
1-ги чер - Эзер, чүген-чуларлыг, кымчылыг, кижен болгаш сыдымныг бүрүн аът болгаш, 5 муң акша;
2-ги чер - Молдурга, 3 муң акша;
3-кү чер - Үш шыырак хой, 2 муң акша.
4-кү чер - Ийи шыырак хой.
5-тен 8-ки черге чедир - шыырак хойлар.
Элезинге "Хол бөмбүү":
Шаңналдар дадывыр түңүнден хамааржыр болгаш 1-ги чер алган бөлүкке 1 хой.
"Сыгыт-хөөмей, каргыраамны":
Тываның Улустуң хөөмейжилери Бады-Доржу Ондар биле Эртине Туматтың чажыт шаңналды дээш.
Тыва чуртувустуң туризимин улам-дам хөгжүдүп, Делегейге алдаржыдып, улуг идегел, бүзүрел-биле эчис-сорулганы салып, төөгүде туруп көрбээн чараш байырлалды организастап тур бис, чонум. Хүндүткел-биле бүгү чонну кыйгырдым!
Хүлер Ондар ( Тыва ).
"АЛДЫН КАЖЫК" мөөрейиниң киржикчилери заявкаларын хүлээдип ат сывын бижидип эгелей берген! Оюннарга киржир күзелдиг чонувусту база айтырыглар бар болза, бо агар-санче идекпейлии-биле долгаарын диледивис: 89133572616