Чаа-Хөл кожууннуң чурттакчыларының кичээнгейинге! Сөөлгү үеде угарлыг газтан айыыл-халап болуп турар таварылгалар бар. Угарлыг газ бажың иштинге печкадан үнүп болур. Угарлыг газ каракка көзулбес, чыт чок болур. Печка иштинге чедир хыпаан карартыр ышталып чыдар хөмур азы ыяштан үнүп болур. Агаарга 0,1—0,2 % угарлыг газ турда 30 минут тынар болза кижиниң амы-тынынга айыылдыг. Тынып турар агаарда угарлыг газ оон-даа ковей болза 1—2 минут ишти кижи амы-тынындан чарлып болур. Кижиниң угарлыг газтан хорананып турарының эге демдектери: баш аарыыр, куску кээр, шылаар, харык чок апаар. Хорананы бээрге кылаштап шыдавас, туруп безин шыдавас болур. Ылаңгыя удуп чыдар улуска айыылдыг. Угарлыг газ чедир хыпаан хөмур азы ыяштан база үнүп болур. Ынчангаш удуурда печка иштинге чедир хыпаан ышталып чыдар хөмур азы ыяш артырбас болза эки. Угарлыг газты бажың иштинге илередип тып болур айыыл медээзин бээр «датчик угарного газа» деп хемчээр херекселди садып ап болур. Оон аңгыда «дымовой пожарный извещатель» дээр хемчээр херексел база садып ап болур. Ол болза бажың иштинге өрт болу бээрге, ыш тыптып кээрге айыыл медээзин бээр. «Датчик угарного газа» биле «Дымовой пожарный извещатель» дээрге ийи ангы херекселдер болуп турар. Бирээзи өрт болу бээрге медээлээр, ынчалза-даа угарлыг газты илередип шыдавас. Оскези угарлыг газты илередип тывар, өрт болу бээрге медээ бербейн болур. Хүндүлүг чонувус! Бажың иштинге угарлыг газты илередип тып, медээни бээр «датчик угарного газа» садып алгаш салып алырын кыйгырып тур бис!